{27.03.2026}
Erasmus+-ის ეროვნული ოფისის სტრატეგიული მხარდაჭერა პროგრამით დაინტერესებული დამწყები ბენეფიციარებისთვის
📊 Erasmus+-ის ეროვნული ოფისის (NEO) კონსულტაციით ყოველწლიურად მოსარგებლე ბენეფიციართა დაახლოებით 70%-ს Erasmus+ პროგრამაში მონაწილეობის გამოცდილება არ აქვს.
🎯 პროგრამაში ინკლუზიურობის გაძლიერებისა და თანაბარი ხელმისაწვდომობის უზრუნველყოფის მიზნით, NEO-მ მარტში ჩაატარა მიზნობრივი ვებინარების სერია, რომელიც სპეციალურად ახალბედა მონაწილეებზე იყო ორიენტირებული.
🧩 ჯამში ჩატარდა 7 ვებინარი, რომლებშიც მონაწილეობა მიიღეს ექვსივე სექტორის წარმომადგენლებმა.
📚 სესიების ფარგლებში მონაწილეებს მიეწოდათ ინფორმაცია შემდეგ საკითხებზე:
- Erasmus+ პროგრამა
- პროგრამის პრიორიტეტები, მათ შორის ჰორიზონტალური პრიორიტეტები
- პროგრამის სტრუქტურა და განაცხადის შეტანის პროცესი
- რეგისტრაციის პროცედურებისა და ციფრული პლატფორმების (FTOP, Webgate) გაცნობა
- ოფიციალური რესურსების გამოყენებისა და დაფინანსების შესაძლებლობების მოძიების პრაქტიკული ინსტრუქციები
🔄 Erasmus+-ის ეროვნული ოფისი კვლავ განაგრძობს საკონსულტაციო შეხვედრების ჩატარებას. სამომავლოდ დაგეგმილი სესიები კი კონკრეტულად სექტორულ შესაძლებლობებზე იქნება ორიენტირებული.
