უნარების განვითარების პროექტები არის საერთაშორისო თანამშრომლობის პროექტები, რომლებიც დაფუძნებულია მრავალმხრივ პარტნიორობაზე ახალგაზრდობის სფეროში მომუშავე აქტიურ ორგანიზაციებს შორის, როგორც პროგრამის წევრ ქვეყნებში, ასევე პროგრამასთან არ ასოცირებულ მესამე ქვეყნებში. მათი მიზანია ახალგაზრდობის და არაფორმალური სწავლის სფეროში საერთაშორისო თანამშრომლობისა და პოლიტიკის დიალოგის მხარდაჭერა, როგორც ახალგაზრდული ორგანიზაციების და ახალგაზრდების მდგრადი სოციალური–ეკონომიკური განვითარების და კეთილდღეობის მექანიზმი.

პროგრამის მიზნები

• ახალგაზრდებთან არაფორმალური სწავლების მიმართულებით მომუშავე ორგანიზაციების შესაძლებლობების გაზრდა;
• პროგრამასთან არ ასოცირებულ მესამე ქვეყნებში არაფორმალური სწავლის საქმიანობების პოპულარიზაცია, განსაკუთრებით ახალგაზრდების იმ ჯგუფების მიზნობრივი მხარდაჭერა, რომლებიც ნაკლებ შესაძლებლობებს ფლობენ, რათა გააუმჯობესონ კომპეტენციის დონე და უზრუნველყონ ახალგაზრდების აქტიური მონაწილეობა საზოგადოებაში;
• პროგრამასთან არ ასოცირებულ მესამე ქვეყნებში ახალგაზრდული მუშაობის განვითარებაზე მხარდაჭერა, მისი ხარისხისა და აღიარების გაუმჯობესება;
• არაფორმალური სწავლის მობილობის სქემების და პროგრამების განვითარება, ტესტირება და გაშვება პროგრამასთან არ ასოცირებულ მესამე ქვეყნებში;
• ევროკავშირის ახალგაზრდული სტრატეგიის (2019-2027) განხორციელებაში წვლილის შეტანა;
• სხვადასხვა რეგიონის ქვეყნებს შორის თანამშრომლობის გაძლიერება საერთო ინიციატივების საშუალებით;
• სინერგიებისა გაძლიერება ფორმალური განათლების სისტემებთან და/ან შრომის ბაზართან.

აქტივობები

აქტივობებმა შესაძლოა მოიცვდეს:

• ახალგაზრდული მუშაკებისა და ტრენერების სოციალურ–პროფესიული განვითარების ხელშეწყობა;
• არაფორმალური სწავლის მეთოდების განვითარება. განსაკუთრებით ისეთი მეთოდების რომლებიც ხელს უწყობენ მედია წიგნიერების უნარებისა და სხვა კომპეტენციების შეძენას/ გაუმჯობესებას;
• პრაქტიკული ტრენინგის სქემების და რეალური სოციალური შემთხვევების სიმულაციის ახალი ფორმების განვითარება;
• ახალგაზრდული მუშაობის ახალი ფორმების განვითარების პროცესში, განსაკუთრებით ღია და მოქნილი სწავლების სტრატეგიული გამოყენების, ვირტუალური თანამშრომლობის, ღია საგანმანათლებლო რესურსების (OER) და ინფორმატიკის პოტენციალის უკეთ გამოყენების ხელშეწყობა;
• თანამშრომლობის, ქსელური ურთიერთობების, ცნობიერების ამაღლებისა და თანასწორი სწავლების მიზნებისათვის ღონისძიებების/სემინარების/სემინარების/ ბოლო პრაქტიკის გაცვლის ორგანიზება;
• ახალგაზრდული მუშაკებისთვის მობილობის საქმიანობების ორგანიზება, რათა გამოსცადონ პარტნიორობის მიერ შექმნილი ინსტრუმენტები და მეთოდები.

ვის შეუძლია განაცხადის გაკეთება?	განაცხადების შემტანები უნდა იყვნენ: იურიდიული პირები: არასამთავრობო ორგანიზაციები (მათ შორის, ევროპული ახალგაზრდული არასამთავრობო ორგანიზაციები და ეროვნული ახალგაზრდული საბჭოები), რომლებიც ახალგაზრდობის სფეროში მუშაობენ; საჯარო ორგანოები ადგილობრივ, რეგიონულ ან ეროვნულ დონეზე; საჯარო ან კერძო კომპანიებს (მცირე, საშუალო ან დიდი საწარმო (მათ შორის სოციალური საწარმოები) ასევე, შეუძლიათ მონაწილეობა, მაგრამ არა როგორც კოორდინატორებს იურიდიულად დაფუძნებული ევროკავშირის წევრ სახელმწიფოში ან პროგრამასთან ასოცირებულ მესამე ქვეყანაში, ან პროგრამასთან არ ასოცირებულ მესამე ქვეყნებში, რომლებიც რეგიონ 1-ში (დასავლეთ ბალკანეთი), რეგიონ 2-ში (აღმოსავლეთი მეზობლობა), რეგიონ 3-ში (სამხრეთ ხმელთაშუა ქვეყნები) ან რეგიონ 9-ში.
ვის შეუძლია მონაწილეობა?	წინადადებები უნდა იყოს წარდგენილი მინიმუმ 4 მონაწილის (ბენეფიციარები, ერთმანეთთან კავშირში არ მყოფი) მიერ და აკმაყოფლიებდეს შემდეგ პირობებს: მინიმუმ 1 იურიდიული პირი ევროკავშირის წევრ სახელმწიფოდან ან პროგრამასთან ასოცირებულ მესამე ქვეყნიდან; მინიმუმ 2 იურიდიული პირი 2 სხვადასხვა პროგრამასთან არ ასოცირებული მესამე ქვეყნებიდან, რომლებიც ერთსა და იმავე უფლებამოსილ რეგიონს მიეკუთვნებიან სხვადასხვა უფლებამოსილი რეგიონებიდან ორგანიზაციები ვერ მიიღებენ მონაწილეობას ერთსა და იმავე პროექტებში.
გეოგრაფიული არეალი (აქტივობების განხორციელების ადგილი)	საქმიანობა უნდა განხორციელდეს განაცხადების მონაწილე ორგანიზაციების ქვეყნებში
პროექტის ხანგრძლივობა	პროექტები, ჩვეულებრივ, უნდა გაგრძელდეს 12-დან 36 თვემდე (გაგრძელება შესაძლებელია, დასაბუთების შემთხვევაში)
სად ხდება განაცხადის შეტანა?	ევროპული განათლებისა და კულტურის აღმასრულებელ სააგენტო (EACEA). Call ID: ERASMUS-YOUTH-2025-CB
როდის ხდება განაცხადის შეტანა?	განაცხადის შემტანებმა საგრანტო განაცხადი უნდა წარადგინონ 6 მარტს, ბრიუსელის დროით 17:00:00 საათამდე

დაფინასნების პირობები

დაფინანსება Lump-sum (ერთჯერადი გადახდა)  და გაიცემა პროექტის ღირებულების 80%. 

გრანტის მაქსიმალური ოდენობა რეგიონებისთვის 1, 2, და 3 შეადგენს 300.000 ევროს.