შესაძლებლობების განვითარების პროექტები არის საერთაშორისო თანამშრომლობის პროექტები, რომლებიც დაფუძნებულია მრავალმხრივი პარტნიორობების სისტემებზე, ორგანიზაციებს შორის, რომლებიც აქტიურები არიან პროფესიული განათლების (VET) სფეროში ევროკავშირის წევრ სახელმწიფოებში, პროგრამასთან ასოცირებულ მესამე ქვეყნებში და პროგრამასთან არ ასოცირებულ მესამე ქვეყნებში. მათი მიზანია მხარი დაუჭირონ VET დაწესებულებების და სისტემების გაძლიერებას, ხელმისაწვდომობას და რეაგირებადობას პროგრამასთან არ ასოცირებულ მესამე ქვეყნებში, როგორც მდგრადი სოციალური–ეკონომიკური განვითარების მამოძრავებელ ფაქტორებს.

პროგრამის მიზნები

• შესაძლებლობების გაძლიერება პროფესიული განათლებისა და ტრეინინგ (VET) ცენტრებისთვის, კერძო და საჯარო მხარეებს შორის თანამშრომლობის გაღრმავებისთვის;
• VET-ის ხარისხისა და რეაგირებადობის გაუმჯობესება ეკონომიკურ და სოციალურ განვითარებაზე, რათა გაზარდოს მიწოდებული განათლების რელევანტურობა და შესაბამისობა სამუშაო ბაზრის ოთხოვნებთან;
  • VET სისტემების ლოკალურ, რეგიონულ და ეროვნულ განვითარების სტრატეგიებთან შესაბამისობაში მოყვანა.

თემატიკური არეები

შესაძლებლობების განვითარების პროექტებს, VET  მიმართულებით, რამდენიმე თემატური სფეროზეა აქცენტირებული. საგრანტო განაცხადები უნდა იყოს ორიენტირებული ერთ ან რამდენიმე შემდეგ თემაზე:

• სამუშაოზე დაფუძნებული სწავლება (ახალგაზრდებისთვის და/ან ზრდასრულებისთვის);
• ხარისხის უზრუნველყოფის მექანიზმები;
• პროფესიული განათლების (VET) მასწავლებლების/ტრენერების პროფესიული განვითარების პროგრამები;
• ძირითადი კომპეტენციები, მათ შორის საწარმოება;
• საჯარო–კერძო პარტნიორობები VET-ში;
• ნოვაცია VET-ში;
• მწვანე და ციფრული უნარები ერთობლივი ტრანსფორმაციისთვის;
• უნარების შესაბამისობა მიმდინარე და მომავალი სამუშაო ბაზრის მოთხოვნებთან.

აქტივობები

დაფინანსებული პროექტები შეძლებენ ფართო სპექტრის თანამშრომლობის, გაცვლის, კომუნიკაციისა და სხვა საქმიანობების ინტეგრაციას, მათ შორის მაგალითად:

• ევროკავშირის წევრ სახელმწიფოში, პროგრამასთან ასოცირებულ მესამე ქვეყანაში და მესამე ქვეყნებს შორის, რომლებიც არ არიან ასოცირებულნი პროგრამასთან და მათ VET პროვაიდერებს შორის კოლაბორაციული ქსელებისა და საუკეთესო პრაქტიკის გაცვლის ინიციატივების შექმნა და განვითარება; 
• მესამე ქვეყნებიში, რომლებიც არ არიან ასოციებულნი პროგრამასთან და მათ VET სისტემებში შესაძლებლობის გაძლიერებისთვის, საჭირო ინსტრუემენტების, პროგრამებისა და სხვა მასალების შექმნა (პრაქტიკული ტრენინგის სქემები, სწავლების პროგრამები და VET-ის სწავლების შედეგების შეფასების და ვალიდაციის ინსტრუმენტები, მონაწილე ინსტიტუტების ინდივიდუალური მოქმედების გეგმები; პროფესიონალური დატრეინინგება და კონსულტირება და ხელმძღვანელობის მეთოდები…);
  • მექანიზმების შექმნა, რომელიც დაეხმარება კერძო სექტორს სასწავლო პროგრამების დიზაინში და განხორციელებაში და VET-ის მოსწავლეებს მაღალი ხარისხის სამუშაო გამოცდილების უზრუნველყოფაში;
  • პედაგოგიური მიდგომების, სწავლების და ტრენინგის მასალების და მეთოდების განვითარება და გადაცემა, მათ შორის სამუშაოზე დაფუძნებული სწავლება, ვირტუალური მობილობა, ღია საგანმანათლებლო რესურსები და ინფორმატიკის პოტენციალის უკეთ გამოყენება;
  • საერთაშორისო (ვირტუალური) გაცვლის საქმიანობების განვითარება და განხორციელება პერსონალისათვის, ძირითადად (მათ შორის მასწავლებლებისა და არადედაქტიური პერსონალისთვის, როგორიცაა სკოლის ლიდერები, მენეჯერები, კონსულტანტები, მრჩევლები და ა.შ.).

რეგიონალური პრიორიტეტები

აღმოსავლეთის პარტნიორობა

• პრიორიტეტი მიენიჭება პროექტებს, რომლებიც ხელს უწყობენ „ეკონომიკური და საინვესტიციო გეგმის“ შესრულებას და/ან ევროპული „ტრენინგების ფონდის რეკომენდაციებს“ ტორინოს პროცესის ფარგლებში 

მონაწილეობის მიღების კრიტერიუმები

დაფინასნების პირობები

აღნიშნული პროგრამა დაფინანსების ერთჯერადი გრანტის (lump-sum) მოდელს მიჰყვება. თითოეული გრანტის ერთჯერადი თანხის ოდენობა განისაზღვრება განაცხადში შემოთავაზებული ქმედების სავარაუდო ბიუჯეტის საფუძველზე. 

ევროკავშირის გრანტი თითო პროექტზე იქნება მინიმუმ 100,000 ევროდან მაქსიმუმ 400,000 ევრომდე.