ვის შეუძლია განაცხადის წარდგენა?

ნებისმიერ მონაწილე ორგანიზაციას, რომელიც არის ევროკავშირის წევრ სახელმწიფოში, ან პროგრამასთან ასოცირებულ მესამე ქვეყანაში დაფუძნებული.

კოორდინატორს განაცხადი შეაქვს პროექტის ყველა მონაწილე ორგანიზაციის სახელით. 

განაცხადის შესატანად, აპლიკანტ ორგანიზაციას უნდა ჰქონდეს 2 წლიანი ოპერირების გამოცდილება.

იმ შემთხვევაში, თუ განაცხადის შეტანა ხდება ევროპული არასამთავრობო ორგანიზაციის მიერ და პროექტი იმართება  EACEA-ს მიერ, კოორდინატორი უნდა იყოს ევროპული არასამთავრობო, რომელიც ფუნქციონირებს განათლების, ტრენინგების და ახალგაზრდობის სექტორში.

რომელ ორგანიზაციებს შეუძლიათ პროექტის კონსორციუმში მონაწილეობა?

ნებისმიერ საჯარო და კერძო ორგანიზაციას, რომელიც დაფუძნებულია ევროკავშირში, ან პროგრამასთან ასოცირებულ მესამე ქვეყანაში, ან მესამე ქვეყანაში, რომელიც არ არის პროგრამასთან ასოცირებული (დამატებით იხილეთ პროგრამის გაიდი – უფლებამოსილი ქვეყნები, კოოპერაციული პარტნიორობისთვის)

გამონაკლისი: ორგანიზაციებს ბელორუსიდან (რეგიონი 2) არ აქვთ პროგრამაში მონაწილეობის უფლება.

ორგანიზაციებს ევროკავშირის ქვეყნებიდან, ან მესამე ქვეყნებიდან, რომლებიც ასოცირებულნი არიან პროგრამასთან, მონაწილეობა შეუძლიათ როგორც კოორდინატორებს, ასევე როგორ პარტნიორებს.

ორგანიზაციებს მესამე ქვეყნებიდან, რომლებიც არ არიან ასოცირებულნი პროგრამასთან არ შეუძლიათ კოორდინატორობა.

მიუხედავად იმის, თუ რომელ დარგში ხორციელება პროექტი, კოოპერაციულ პარტნიორობაში შესაძლოა ჩაერთოს ნებისმიერი ორგანიზაცია – განათლების, ტრენინგები, ახალგაზრდობის, სპორტის და სხვა სოციალურ–ეკონომიკური სექტორებიდან, ასევე იმ ორგანიზაციებს, რომლებიც ფუნქციონირებენ ტრანს-სექტორულ დონეზე (ლოკალურ, რეგიონულ და ეროვნულ დონეზე გადაწყვეტილების მიმღები პირები, აკრედიტაციის ცენტრები, სავაჭრო პალატები, სავაჭრო ორგანიზაციები, საკონსულტაციო ცენტრი, კულტურული და სპორტული ორგანიზაციები).

პროექტის პრიორიტეტებიდან და მიზნებიდან გამომდინარე, კოოპერაციული პარტნიორობის ინიციატივებმა უნდა მოიცვას რაც შეიძლება მეტი, რელევანტური და მრავალმხრივი პარტნიორები, რათა მათ ისარგებლონ ერთმანეთის გამოცდილებით და შეძლონ უკეთესი შედეგების მიღწევა.

მონაწილე ორგანიზაიცების პროფილი და რაოდენობა

კოოპერაციული პარტნიორობა არის ტრანსნაციონალური პროექტი და მან უნდა გააერთიანოს, მინიმუმ 3 ორგანიზაცია, ევროკავშირის წევრი სახელმწიფოდან, ან პროგრამასთან ასოცირებული მესამე ქვეყნებიდან.

პროექტში მონაწილეთა რაოდენობასთან დაკავშირებით, ზედა ზღვარი არ არის განსაზღვრული.

იმ საგრანტო განაცხადებში, რომელთა წარდგენა ხდება ეროვნულ სააგენტოებში, სკოლის, პროფესიული განათლების და ტრენინგების, ზრდასრულთა განათლების და ახალგაზრდობის მიმართულებით, ერთი და იგივე ორგანიზაციებს (ერთი და იგივე OID-ით) არ შეუძლია ჩართულნი იყვნენ 10-ზე მეტ განაცხადში. 

ზოგადად, კოოპერაციული პარტნიორობის ინიციატივა მიზნად ისახავს პარტნიორობის გაღრმავებას ევროკავშირის წევრ ქვეყნებს და პროგრამასთან ასოცირებულ მესამე ქვეყნებს შორის.

თუმცა, ორგანიზაციებს მესამე ქვეყნებიდან, რომლებიც არ არიან ასოცირებული პროგრამასთან შეუძლიათ პროექტში მონაწილეობა, როგორც პარტნიორებს, თუ მათი ჩართულობა პროექტს ანიჭებს მნიშვნელოვან ღირებულებას და ასევე, დაკმაყოფილებულია კონსორციუმის ძირითადი მოთხოვნები.

პრიორიტეტები

იმისთვის, რომ გათვალისწინებული იქნას დაფინანსების გასაცემად, კოოპერაციული პარტნიორობა ორიენტირებული უნდა იყოს:

• მინიმუმ, ერთ ჰორიზონტალურ პრიორიტეტზე
• მინიმუმ ერთ სპეციფიკურ პრიორიტეტზე, რომელიც რელევანტურია განათლების, ტრენინგების, ახალგაზრდობის და სპორტის სფეროში.

სპორტის სფეროში გაკეთებული პროექტები, შესაძლებელია ფარავდეს მხოლოდ ერთ პრიორიტეტს. 

აქტივობების განხორციელების ადგილი

აქტივობები შესაძლოა განხორციელდეს ნებისმიერ ქვეყანაში, საიდანაც წარმოდგენილები არიან პარტნიორები ან კოორდინატორი. 

გარდა ამისა:

• დასაბუთების შემთხვევაში, აქტივობები შესაძლოა განხორციელდეს ევროკავშირის ინსტიტუციებში, იმ შემთხვევაშიც კი თუ აღნიშნული ქვეყნიდან პროექტში არ არის ჩართული ორგანიზაცია. 

• ისეთი აქტივობები, რომლებიც უკავშირდება შედეგების გაცვლას ან სტიმულირებას (რელევანტური ტრანსნაციონალური ღონისძიებები, კონფერენციები) შესაძლოა ჩატარდეს მესამე ქვეყნებშიც, რომლებიც არ არიან ასოცირებული პროგრამასთან. 

პროექტის ხანგრლივობა

12 თვიდან – 36 თვემდე

პროექტის ხანგრძლივობა უნდა განისაზღვროს აპლიკაციის შეტანის პერიოდში, პროექტის მიზნებიდან და შედეგებიდან გამომდინარე. 

კოოპერაციული პარტნიორობის პროექტების ხანგრძლივობა შესაძლოა გახანგრძლივდეს, დასაბუთების შემთხვევაში, ფორმალური შეთანხმების საფუძველზე.

სად ხდება განაცხადის შეტანა?

განათლების, ტრენინგებისა და ახალგაზრდობის სფეროებში პარტნიორებისთვის, რომელიც წარდგენილია ამ სფეროებში მოქმედი ნებისმიერი ორგანიზაციის მიერ, ევროპული არასამთავრობო ორგანიზაციების (NGOs) გამოკლებით:

• იმ ქვეყნის ეროვნული სააგენტო, სადაც არის დაფუძნებული აპლიკანტი ორგანიზაცია.

პროექტები, ევროპული არასამთავრობო ორგანიზაციების მიერ, განათლების, ტრენინგების და ახალგაზრდობის სექტორში:

• ევროპის განათლებისა და კულტურის აღმასრულებელი სააგენტოს დაფინანსების და ტენდერების პორტალი   
  – European NGOs – Call ID
• Lot 1: ERASMUS-EDU-2025-PCOOP-ENGO
• Lot 2: ERASMUS-YOUTH-2025-PCOOP-ENGO

სპორტის სექტორში, პარტნიორობის შემთხვევაში

• ევროპის განათლებისა და კულტურის აღმასრულებელი სააგენტოს დაფინანსების და ტენდერების პორტალი 

Sport – Call ID:  ERASMUS-SPORT-2025-SCP

ერთი და იგივე კონსორციუმს შეუძლია მხოლოდ ერთი საპროექტო განაცხადის წარდგენა.

როდის ხდება განაცხადის წარდგენა?

პროექტებისთვის, რომლებიც იქმნება განათლების, ტრენინგების და ახალგაზრდობის სფეროში და რომელშიც არ მონაწილეობენ ევროპული არასამთავროები:

• აპლიკაციის შეტანის დედლაინი – 5 მარტი, 12:00 (შუადღეს, ბრიუსელის დროით), პროექტებისთვის, რომლებიც იწყება 1 სექტემბრიდან – 31 დეკემბრის მონაკვეთში. 

შესაძლო დამატებითი დედლაინები

• ეროვნულმა სააგენტოებმა შესაძლოა გამოაცხადონ დამატებითი დედლაინები, რომლის შესახებაც  ინფორმაცია დაიდება მათ ვებ-გვერდზე. 
• მეორე მიღებისთვის, განაცხადების წარდგენა უნდა მოხდეს 1 ოქტომბერს, 12:00 საათზე (შუადღეს, ბრიუსელის დროით), პროექტებისთვის რომლებიც იწყება 1 იანვრიდან – 31 აგვისტოს მონაკვეთში. 

პარტნიორობებისთვის განათლების, ტრენინგების და ახალგაზრდობის სექტორში, რომლის წარდგენაც ხდება ევროპული არასამთავრობოს მიერ:

• დედლაინი – 5 მარტი, 17:00 საათი (ბრიუსელის დროით)

პარტნიორობისთვის სპორტის სფეროში:

• დედლაინი – 5 მარტი, 17:00 საათი (ბრიუსელის დროით)