ტემპუსი ევროგაერთიანების პროგრამაა, რომელიც 1990 წელს შეიქმნა და რომლის მიზანი იყო უმაღლესი განათლების რეფორმის ხელშეწყობა ევროკავშირის პარტნიორ ქვეყნებში. 2014 წლიდან ტემპუსის პროგრამა ჩანაცვლდა Erasmus + ინსტიტუციური განვითარების პროგრამით.

30 ქართული უმაღლესი საგანმანათლებლო დაწესებულება (როგორც სახელმწიფო, ასევე კერძო) ცხრა ქალაქიდან (თბილისი, ქუთაისი, ბათუმი, გორი, თელავი, ზუგდიდი, ახალციხე, ახალქალაქი და წნორი) მონაწილეობდა Tempus–ის პროექტებში 1995 წლიდან (პროექტების სრული სია პარტნიორების ჩამონათვალით მოცემულია ქვემოთ).

განაცხადებისა და დაფინანსებული პროექტების რაოდენობა მუდმივად იზრდებოდა, რაც ერთის მხრივ ასახავს პროგრამის ბიუჯეტის ზრდას, და ამავდროულად ქართველი პარტნიორების მზარდ ინტერესსა და მოტივაციას (ცხრილი 1).