📣 21 სექტემბერი: პლაგიატი ხელოვნური ინტელექტის (AI) ეპოქაში

ღონისძიების შესახებ: 21 სექტემბერს, Erasmus+-ის ეროვნული ოფისი საქართველოში აორგანიზებს ღონისძიებას ‘’პლაგიატი ხელოვნური ინტელექტის (AI) ეპოქაში

ℹ️ თანამედროვე სამყაროში ხელოვნური ინტელექტი (AI) ყოველდღიური ცხოვრების განუყოფელი ნაწილი ხდება. მის მზარდ გამოყენებასთან ერთად კი, წარმოიშვა პლაგიატის ახალი და უფრო კომპლექსური ფორმები.

📄 Erasmus+-ის ეროვნული ოფისი საქართველოში, უმაღლესი განათლების რეფორმის ექსპერტების (HEREs) ინიციატივასთან თანამშრომლობით, უმასპინძლებს ღონისძიებას, სადაც განხილული იქნება, თუ როგორ უნდა მოხდეს ხელოვნური ინტელექტის გამოყენება კვლევაში, რომ არ დაირღვეს კვლევის ეთიკურობის სტანდარტები. 

ღონისძიებაზე Erasmus+ პროგრამის გამარჯვებული პროექტების მოწვეული სპიკერები ისაუბრებენ ხელოვნური ინტელექტის (AI) კეთილსინდისიერ და ეთიკურ გამოყენებაზე კვლევის პროცესში. განხილული იქნება როგორც ხელოვნური ინტელექტის შესაძლებლობები, ისე მის გამოყენებასთან დაკავშირებული გამოწვევები კვლევის კეთილსინდისიერების, აკადემიური ეთიკისა და კარგი აკადემიური პრაქტიკის საკითხების გარშემო. 

ღონისძიების მეორე ნაწილი დაეთმობა პრაქტიკულ ვორკშოპს, რომელიც შეეხება ხელოვნური ინტელექტის გამოყენებას კვლევასა და განათლებაში, კვლევის ეთიკის, აკადემიური კეთილსინდისიერებისა და პასუხისმგებლობის მქონე ავტორობის პრინციპების დაცვით. 

📅 თარიღი: 21 სექტემბერი, 2026
🕐 დრო: 13:00–16:15 (საქართველოს დროით)
🌐 სამუშაო ენა: ინგლისური

სამიზნე აუდიტორია: PhD სტუდენტები, მკვლევრები, პროფესორები

❕მნიშვნელოვანი ინფორმაცია: ღონისძიების ფორმატი (ონლაინ ან ფიზიკური დასწრებით) განისაზღვრება მონაწილეთა უმრავლესობის არჩევანის საფუძველზე. გთხოვთ, სარეგისტრაციო ფორმაში მიუთითოთ თქვენთვის სასურველი ფორმატი.

🔗 სარეგისტრაციო ბმული: https://forms.gle/8HHAwLW7951KLGsY6