📣 Erasmus+ის ეროვნული ოფისი საქართველოში გიზიარებთ ახლო მომავალში დაგეგმილი ღონისძიებების კალენდარს

3 ივლისი – საერთაშორისო ონლაინ კონფერენცია: ‘’დიალოგის სივრცე – ინკლუზიურობა და ხელმისაწვდომობა, Erasmus+ პროგრამის ფარგლებში’’.

დრო: 13:00 – 15:25 (საქართველოს დროით)

თარიღი: 3 ივლისი

ფორმატი: ონლაინ

სამუშაო ენა: ინგლისური

სარეგისტრაციო ბმული: https://forms.gle/yv2WkST8nrhMFMEA6

ინკლუზიურობა და მრავალფეროვნება Erasmus+ პროგრამის ოთხ ჰორიზონტალურ პრიორიტეტს შორის ერთ-ერთია. კონფერენცია მიზნად ისახავს განიხილოს, თუ როგორ არის შესაძლებელი Erasmus+ პროგრამის შესაძლებლობების ხელმისაწვდომობის გაზრდა და ინკლუზიური ჩართულობის უზრუნველყოფა პროგრამის ბენეფიციარებისთვის.

კონფერენციაზე მოწვეულები არიან ევროკავშირის ქვეყნების Erasmus+-ის ეროვნული სააგენტოები, რაც დამსწრეებს საშუალება მისცემს, გაეცნონ ევროკავშირში არსებულ სტანდარტებს, ეროვნული სააგენტოების მოლოდინებსა და მიდგომებს ინკლუზიისა და მრავალფეროვნების უზრუნველსაყოფად, რაც განსაკუთრებით მნიშვნელოვანია იმ ფონზე, რომ გათვალისწინებული იქნას ერთობლივად დაგეგმილი და განხორციელებული პროექტებისა და აპლიკაციების რელევანტურობა, მოთხოვნებთან შესაბამისობა და ხარისხი. კონფერენციაზე განხილულ საკითხთა შორის იქნება: 

• ევროკავშირის ეროვნული სააგენტოების მოლოდინები შერჩევის პროცესში  სამართლიანობის უზრუნველსაყოფად;

• პროექტების განხორციელების პროცესში  ინკლუზიურობის მონიტორინგისა და შეფასების მექანიზმები; 

11 ივლისი – ევროპის დღე ბათუმში 

11 ივლისს, საქართველოში ევროკავშირის დელეგაციის ორგანიზებით, იგეგმება ევროპის დღის ღონისძიება ბათუმში. 

ევროპის დღე შესანიშნავი შესაძლებლობაა ევროკავშირის მიერ დაფინანსებული პროექტების შესახებ მეტი ინფორმაციის მისაღებად. სხვა ორგანიზაციებთან ერთად, ღონისძიებაზე წარმოდგენილი იქნება Erasmus+-ის ეროვნული ოფისიც. ღონისძიება საშუალებას მოგცემთ ჩაერთოთ სახალისო გამოკითხვებსა და ინტერაქციულ აქტივობებში ევროკავშირის შესახებ, ასევე მიიღოთ პასუხები თქვენთვის საინტერესო შეკითხვებზე. 

დამატებითი ინფორმაცია ევროპის დღის ღონისძიების შესახებ უახლოეს დღეებში განთავსდება სოციალურ ქსელებში.